Innlandet, Trøndelag og Vestland blir pilotfylker for regionale kulturkretsar

Av dei sju kandidatane som søkte om å delta i pilotprosjektet har desse no blitt vald:

• Innlandet: Innlandet Musikkråd

• Trøndelag: Norges Musikkorps Forbund Trøndelag

• Vestland: Memoar Vestland & Bergen m.fl.

Målet med pilotprosjektet er å få på plass kulturkretsar i dei tre fylka i løpet av året. Me skal lære av prosessane, og lage ein mal som resten av det regionale frivillige kulturfeltet kan bruke til å etablere kulturkretsar over heile landet.

Alle regionale ledd i frivillige kulturorganisasjonar i dei tre pilotfylka er invitert til å ta del i prosessen med å etablere kulturkrets i eige fylke.

Etter påske vil dei tre pilotfylka møte prosjektleiinga for å få satt i gang arbeidet. Dette blir startskotet for å sette i gang oppstartsmøte ute i fylka så raskt som mogleg. Følg med på nettsida til prosjektet, og ta gjerne kontakt med prosjektleiar om du har spørsmål.

Organisasjonane som har fått ansvaret for å stå i spissen for pilotprosjektet i sitt fylke har hovudansvar for:

• Å rekruttere medlemmar til kulturkretssamarbeidet

• At det blir etablert ein ressursgruppe som samarbeider om etableringa av ein kulturkrets i fylket

• Kontakt med prosjektleiar og styringsgruppa for prosjektet, inkl. deltaking på fysisk oppstartsmøte og å rapportere på framdrifta i eit månadleg digitalt møte fram til kulturkretsen er endeleg etablert

• Kontakt med fylkeskommunen

• At arbeidet følgjer dei prinsippa, malene og retiningslinjene som styringsgruppa for prosjektet har vedteke

• Å sende eit reknskap med de isame postene som i budsjettet for pilotprosjektet til prosjektleiar seinast 31. desember 2024